Universiteti FAMA

Titulli: Universiteti FAMA 22/8/2008, 3:05 am

Misioni i Universitetit “FAMA”
Universiteti”FAMA”, i themeluar në Kosovë si institucion privat i arsimit të lartë është i angazhuar në fushën e mësimdhënies dhe të kërkimeve shkencore dhe ka disa objektiva të cilat janë të shënuara në Statutin e Universitetit “FAMA”. Si datë e themelimit të Universitetit”FAMA” njihet 12 maji i vitit 2003.

Universiteti “FAMA”, në gjithë veprimtarinë e tij, ka për mision të kontribuojë në zhvillimin e Arsimit të Lartë, arsimimin cilësor universitar dhe pasuniversitar në fusha të ndryshme profesionale, edukimin me vlerat më të mira morale dhe zhvillimin e kërkimit shkencor me qëllim që të sigurojë praninë e specialistëve të aftë profesionalisht dhe të pastër moralisht, që mund të shpien përpara procesin e zhvillimit ekonomik e shoqëror ne Kosovë.

Universiteti “FAMA” në të gjithë veprimtarinë e tij si institucion jofitimprurës udhëhiqet nga parimet e respektimit të drejtave të njeriut, të humanizmit, të barazisë shoqërore midis shtresave të shoqërisë si dhe midis racave, feve dhe kombësive të ndryshme.

Parimet bazë të funksionimit
Universiteti “FAMA” është një bashkësi pedagogësh, studentësh dhe personeli administrativ, e ngritur mbi bazën e respektimit të drejtave themelore të njeriut dhe të lirisë personale e kolektive, si dhe të parimeve të solidaritetit.
Universiteti funksionon mbi bazën e parimeve të:
korrektësisë dhe ndershmërisë të personelit dhe të studentëve në përmbushjen e detyrave të tyre dhe në arritjen e objektivave të përcaktuara.
efektivitetit në realizimin e të gjitha aktiviteteve që do të zhvillohen në universitet dhe në përdorimin e të gjitha burimeve të brendshme ose të jashtme në dispozicion;
transparencës në bashkëpunimin si në planin e brendshëm (midis strukturave, personelit, dhe studentëve) ashtu dhe në atë të jashtëm (në marrëdhëniet me institucionet e tjera);
Përgjegjësisë dhe solidaritetit të strukturave të ndryshme, të personelit dhe të studentëve në bashkëpunimin për realizimin e iniciativave me interes të përbashkët për zhvillimin e Universitetit dhe promovimin e vlerave njerëzore.
I gjithë personeli mësimor, shkencor dhe administrativ duhet të respektojnë parimet frymëzuese të themeluesit dhe përmbajtjen e normat e sjelljes së parashikuara në administratën publike.
Autonomia Institucionale
Universiteti “FAMA” është një institucion autonom, i ideuar, krijuar dhe nën mbikëqyrjen e themeluesit dhe Ministrisë Arsimit Shkencës dhe Teknologjisë.

Themeluesi në respekt të vlerave etike që e frymëzojnë i siguron Universitetit një liri të plotë akademike në mësimdhënie dhe në kërkimin shkencor, në shërbimin ndaj komunitetit favorizon marrëdhëniet me institucionet dhe subjektet e tjera vendase ose të huaja dhe parashikon financimin e veprimtarive, në përputhje me legjislacionin në fuqi dhe brenda buxhetit të miratuar.

Kjo autonomi parashikon të drejtën e:

Përzgjedhjes së personelit mësimor, shkencor, teknik e administrativ;
zgjedhjes së fushave të mësimdhënies dhe të hartimit të planeve e programeve mësimore, të kërkimit shkencor, të shërbimit ndaj komunitetit, të miratimit të rregulloreve të funksionimit të njësive përbërëse të Universitetit;
vendosjes së marrëdhënieve me shkolla të tjera të larta të vendit e të huaja;
anëtarësimit në shoqata e organizata kombëtare, të huaja e ndërkombëtare;
bashkëpunimit me subjekte vendase e të huaja që ndihmojnë në zhvillimin institucional të tij;
përcaktimit të modaliteteve të pranimit të studentëve të rinj universitarë e pasuniversitarë, e drejta e përzgjedhjes së personelit akademik dhe jo akademik;
Përdorimit të tokës, të ndërtesave dhe të pasurive të tjera që do të vihen në dispozicion nga Themeluesi ose subjekte të tjera; sipas legjislacionit në fuqi.
Financimi dhe veprimtaria ekonomike

Universiteti “FAMA” është një institucion jofitimprurës që financohet fillimisht nga Themelues, tarifat e shkollimit e të shërbimeve, nga të ardhurat e siguruara nga pasuria e tij dhe nga donacione të ndryshme.
Mënyra e përdorimit të gjitha të ardhurave kryhet me miratimin e Themeluesit.

Universiteti do të zhvillojë zgjerimin e veprimtarisë së tij duke u mbështetur në parimin e vet mbështetjes.

Universiteti “FAMA” është i njohur si i tillë nga Ligji “Për Arsimin e Lartë në Kosovës” të sipërcituar dhe aktiviteti i tij rregullohet në përputhje me dispozitat e statuti dhe rregulloreve te cilat janë te nxjerrura konform ligjit për arsimin e lart ne Kosovë .

Rektori është organi monokratik i Universitetit “FAMA” dhe vepron në fushën organizative dhe didaktike në emër të tij, brenda kufijve të drejtave që i njohin ligjet, nga Statuti, Rregullorja e Universitetit dhe aktet e tjera nënligjore.

Të gjitha mjediset (ndërtesa e troje) që Themeluesi i ka vënë në dispozicion Universitetit “FAMA”si dhe çdo pronë e tij që do të shtohet në të ardhmen sipas ligjit, gëzojnë paprekshmërinë. Kjo paprekshmëri përfshin moslejimin e ndërhyrjes në mjediset e Universitetit apo të përdorimit të tyre nga çdo person fizik e juridik, mosndërhyrjen e Pushtetit Qendror e Lokal dhe të organeve të Rendit Publik pa kërkesën e Rektorit ose të personit të autorizuar prej tij apo të Themeluesit.

Përjashtimisht, për rastet e kryerjes së një krimi flagrant dhe në rastet e një fatkeqësie natyrore, organet e Rendit Publik ndërhyjnë edhe pa lejen e Rektorit.

Për çdo cenim të paprekshmërisë, Universitetit “FAMA” i lind e drejta e denoncimit të shkeljes dhe kërkimit të ndëshkimit të shkelësit sipas dispozitave ligjore në fuqi

Struktura

Universiteti “ FAMA” e realizon misionin e tij nëpërmjet strukturave mësimore, shkencore, administrative. Struktura e Universitetit “ FAMA” është e organizuar mbi bazë fakultetesh dhe departamentesh.

Universiteti për qëllimet e tij institucionale, i shërben institucioneve të Kosovës. Qeveris Shërbimit doganor, Shërbimit Policor ,ekonomisë të Kosovës , gjygjsisë së Kosovës politikave te jashtme dhe te brendshme . .

Veprimtaria e strukturave të universitetit udhëhiqet nga parimet e efikasitetit dhe të efiçiencës, nëpërmjet pjesëmarrjes aktive dhe karakteristikave të detyrave të personelit drejtues, mësimor, shkencor.

Studimet

Sistemi i studimeve ne Universitetin “ FAMA ” dhe përmbajtja e kurrikulave janë marrë nga sistemi universitar Evropian dhe ndërkombëtar. (karta e Bolonjës).
Me përfundimin e studimeve në Universitetin “ FAMA ”, mund të fitohen diplomat e niveleve vijuese me titujt:
Diplomë e nivelit të parë (“bacheller”);
Diplomë të kualifikimit pasuniversitar të tipit “Master”;
Të gjitha Diplomat e lëshuara nga Universiteti “ FAMA ” mbajnë nënshkrimin e rektorit ose të prorektorit dhe të kryetarit të komisionit të diplomimit.
Kurset e studimit që do të zhvillohen fillimisht në Universitetin “ FAMA”, do të jenë me kohë të plotë.

Emërtesat e kurseve të mësipërme të studimit janë ato të sistemit universitar Europjane, i reformuar mbi bazën e parimeve të Deklaratës së Bolonjës.
Procesi mësimor në Universitetin “ FAMA ” do të zhvillohet në tri gjuhë, në shqip, anglisht dhe në serbokroatisht.
Universiteti “ FAMA ” mund të zhvillojë, në bashkëpunim me universitete të tjera, kurse studimi të përbashkëta të nivelit universitar ose pasuniversitar. Diplomat e lëshuara në përfundim të këtyre kurseve janë të zyrtarizuara nga universitetet partnere.
Vlerësimi i njohurive dhe diplomimi
Sistemi i vlerësimit të njohurive të studentëve në Universitetin “FAMA” është me 30 nota. nota më e ulët për kalim është 6.
Diplomimi në të gjitha kurset e studimit do të realizohet me provim formimi përfundimtar ose me mbrojtje të tezës së diplomës.
Sistemi i Krediteve
Kurrikulat e të gjitha kurseve të studimit janë ndërtuar mbi bazën e Sistemit Evropian të Transferimit të Krediteve (ECTS).

Stimulimi
Studentët që, në përfundim të studimeve universitare, kanë jo më pak se 90% të notave, të provimeve të parashikuara në kursin përkatës të studimit, të nivelit 30, fitojnë “Medalje të Artë” me certifikatën përkatëse.
Studentët që kanë fituar këtë vlerësim, kanë përparësi në vazhdimin e studimeve të mëtejshme pranë këtij Universiteti.
Pranimet
Pranohen për të ndjekur studimet në Universitetin “FAMA”:

të gjithë shtetasit shqiptarë dhe të huaj që kanë përfunduar studimet dhe kanë diplomën e shkollës së mesme ose të një shkolle ekuivalente të përshtatshme për të hyrë në universitet;
studentë të transferuar nga universitete ose shkolla të tjera të larta universitare të vendit apo të huaja.
Procedurat dhe dokumentacioni lidhur me pranimet në Universitetin “FAMA”, përcaktohen në Rregulloren e Universitetit. Kryerja e studimeve në Universitetin “FAMA” është me pagesë (tarifa e shkollimit). Vlera e kësaj pagese për çdo kurs studimi ne çdo vit akademik vendoset nga Rektori, pas marrjes së mendimit të Senatit dhe pas miratimit nga Themeluesi.

Në rast se pranimi i kandidatëve në universiteti kryhet me konkurs, atëherë ata paguajnë një kuotë të veçantë për regjistrimin dhe pjesëmarrjen në konkurs;

Për kategori të veçanta studentësh (studentët e shkëlqyer, studentë në nevojë etj), Universiteti mund të japë edhe bursa studimi. Kriteret për dhënien e bursave dhe lista e kandidatëve i propozohen Rektorit nga Senati dhe miratohen nga Themeluesi.

Organet Drejtuese

Organet dhe autoritetet drejtuese të Universitetit “ FAMA ” janë:

Rektori
Prorektorët
Sekretari i Përgjithshëm
Drejtori i Përgjithshëm
Senati Akademik
Bordi
Dekani
Detyrat e të Drejtat e Studentëve

Studenti e fiton cilësinë si i tillë me regjistrimin në Universitetin “ FAMA ” dhe e humbet me marrjen e diplomës nga ana e tij ose me përjashtimin nga Universiteti.

Studentët janë të detyruar të zbatojnë të gjitha detyrimet që rrjedhin nga planet mësimore, ato që lindin nga Statuti, Rregullorja e Universitetit për kryerjen e studimeve në këtë Universitet. Ata duhet të njohin të gjitha detyrimet e të jenë të vetëdijshëm për zbatimin e tyre; Universiteti “ FAMA ë” nuk mban përgjegjësi për pasojat që mund të rrjedhin nga mosnjohja e tyre.

Marrja e masave të ndryshme ndëshkimore deri në përjashtim nga Universiteti, për rastet e moszbatimit të detyrimeve dhe të shkeljes së normave të akteve të mësipërm, kryhet nga Rektori pasi të jetë marrë mendimi i Senatit. Kriteret dhe procedurat përcaktohen në Rregulloren e Universitetit.

Studentët kanë të drejtë:

të përdorin të gjithë infrastrukturën mësimore shkencore të Universitetit për veprimtarinë mësimore shkencore, sipas programeve e rregulloreve përkatëse;
të përdorin bibliotekën, mjediset sportive e kulturore;
të përfaqësohen në Senat;
të përfitojnë burse studimi, kur plotësojnë kushtet e përcaktuara nga Themeluesi;
të organizohen në shoqata studentore jopolitike duke ju përmbajtur përcaktimeve të akteve ligjore e nënligjore përkatëse.
Punësimi
Personeli i Universitetit “FAMA” përbëhet nga shtetas shqiptarë ose të huaj, të cilët grupohen, sipas profilit të punës, në kategoritë e mëposhtme:
Personeli mësimor shkencor (akademik);
Personeli ndihmës (teknik) mësimor shkencor;
Personeli administrativ;
Personeli i shërbimit.
Shtetasit e huaj duhet të plotësojnë kërkesat e legjislacionit kosovar në fuqi.
Përzgjedhja e personelit për vendet e punës për personelin e pikës 1.a e 1.b bëhet nëpërmjet shqyrtimit të kandidatëve nga një komision i përbërë nga Rektori, njëri prej Prorektorëve, Sekretari i Përgjithshëm dhe një përfaqësues i Themeluesit Punësimi vendoset nga Themeluesi, duke nënshkruar kontratën nëpërmjet Drejtorit të Përgjithshëm.
Procedurat e punësimit të personelit të pikave 1.c dhe 1.d përcaktohen me vendim të Drejtorit të Përgjithshëm.
Kontratat e punës, për personelin e Universitetit, nënshkruhen nga:
Themeluesi për Rektorin, për Prorektorët, për Sekretarin e Përgjithshëm, Drejtorin e Përgjithshëm, Përgjegjësin e Zyrës Legale e për Dekanët;
Drejtori i Përgjithshëm për personelin tjetër.
Në rast se këto funksione kryhen nga anëtarë të Themeluesit, duhet të nënshkruhen marrëveshje ad hoc.
Kushtet e kontratës së punës, koha për të cilën lidhet ajo dhe gjithçka tjetër që ka të bëjë me marrëdhëniet juridike të punës, mbështeten edhe në legjislacionin në fuqi.
Selia
Universiteti “FAMA” ka selinë ligjore në Prishtinë. Universiteti zhvillon aktivitetin didaktik pranë selisë ligjore dhe në qytete të tjera të Kosovës, fillimisht në Prishtinë Prizren,Gjilan dhe Mitrovicë.

Gjuhët zyrtare shqipja dhe anglisht, Serbo Kroatisht për të cilën interpretimi korrekt i normave të tij, në rast ndryshimi, duhet të preferohet kuptimi i njëjtë për të tri gjuhët.

Publikuar me 20 maj 2008

http://www.universitetifama.eu/

» UNIVERSITETI AAB
» UNIVERSITETI UBT
» UNIVERSITETI ILIRIA