Desktopi i blertë Dell Studio Hybrid

Dell Studio Hybrid është kompjuteri personal më i ri i Dell-it, me një disenjo shumë të këndshme në formë cilindrike-ovale. Madhësia e tij nuk ndryshon shumë nga kompjuterat e së njëjtës natyrë të markave të tjera. CPU-ja e tij kushton 874$, ndërsa i marrë bashkë me një monitor 19 inçësh kushton 1.064$. Harxhon pak energji dhe ka një disenjo miqësore. Ndryshe nga ç’duket, Studio Hybrid është shumë i fuqishëm, falë procesorit të tij Intel Core 2 Duo T8100 Penryn

Performanca e tij 3D nuk është ndër më të mirat, për shkak të grafikës së integruar, por nëse nuk jeni manjak i lojërave tridimensionale, ky version i Dell-it është një zgjedhje dhe alternativë e mirë, krahasuar me kompjuterat tradicionalë në formë kutie, që kanë mbizotëruar tregun qysh prej lindjes së kompjuterit të parë personal. Versioni më i zakonshëm i Studio Hybrid përmban procesor Intel Core 2 Duo, 2 Gb RAM, disk të ngurtë 250 Gb dhe grafikë të integruar Intel Mobile 965 Express. Energjia e ulët që konsumon i ka dhënë këtij modeli etiketën “GreenTech Approved” nga PC Magazine. Dell-i e ka mbajtur fjalën e dhënë në muajin maj se do të ulte konsumin e energjisë nga desktopët dhe laptopët e tij me 25%.