Siguri

Windows E keni vrarë ndonjëherë mendjen se ç’lloj marrëveshjeje aprovoni kur klikoni “I Accept” (Pranoj)? Mos u bëni merak! Thjesht tërhiqeni me anë të miut ikonën e EULAlyzer-it mbi tekstin e marrëveshjes (EULA) për një raport të shpejtë që evidenton ndonjë problem të mundshëm.

Windows Krijoni në çast një tunel në VPN-në (rrjet privat virtual) tuaj midis laptopit dhe router-it Wi-Fi (pa tel, wireless) për të mbrojtur të dhënat nga ndonjë futje hundësh në kanalin e pambrojtur. Këtë duhet ta bëni edhe në rastin kur përdorni kriptim shtesë. Nëse rrjeti juaj ua kufizon përdorimin e programeve të veçanta (si p.sh Skype-in), VPN-ja mund t’ju sigurojë akses pa kufi. Gjithashtu, mund ta përdorni edhe në lidhjet me tel, si një shtresë sigurie më tepër.

Windows Kruptos lejon hyrjen në një skedar vetëm nga dikush që njeh fjalëkalimin. Ai përfshin gjithashtu edhe një kompresues skedarësh.

Windows/Ueb Nëse ShieldsUP! i përmendur më sipër testonte aftësitë e murit tuaj mbrojtës për të fshehur të gjitha portat, PC Flank realizon sulme që mund të krahasohen me ato të programeve keqbërëse, në mënyrë që të verifikojë nëse muri mbrojtës është në gjendje t’i bllokojë ato apo jo.

Windows Kjo është një shtojcë që i mbivendoset Outlook-ut për të nxjerrë informacion shtesë dhe për të gjurmuar ndryshimet (duke aktivizuar butonat Back dhe Forward) në një dokument Word që i është bashkangjitur një mesazhi të postës elektronike.