Zyrë

Zyrë


AbiWord www.abiword.com


[justify]Windows/MacOS/Linux Ky përpunues tekstesh i ofruar falas mbahet në këmbë nga vullnetarët. Ai imiton në detaje pamjen e Microsoft Word 2003 dhe të versioneve më të hershme dhe të krijon përshtypjen se po përdor njërin prej tyre.


Adobe Buzzword www.buzzword.com


Windows/Ueb/Flash Adobe renditet përkrah Google-it me këtë përpunues teksti online që është i ndërtuar në Adobe Flash (s’ka se si të jetë ndryshe). Ndërfaqja është e shpërndarë dhe komandat janë të thjeshta.


http://www.gliffy.com/

Ueb/Flash Është një program online për të ndërtuar diagrame dhe që ofron më shumë opcione se sa duhen për të ndërtuar një bllokskemë të thjeshtë. Versioni falas kufizohet vetëm me 5 diagrame.

Google Docs docs.google.com

Ueb/Celular Paketa e Google-it me një disenjo të thjeshtë ofron një paketë zyre online të pajisur me përpunues teksti, fletë pune dhe prezatime. Më në fund doli një alternativë reale në fushën e paketave të zyrës që dominohet totalisht nga Microsoft-i. Gjithashtu, mund t’i ngarkoni ose t’i dërgoni dokumentet tuaja si mesazhe të postës elektronike për t’i ruajtur apo për t’i modifikuar.






IBM Lotus Symphony symphony.lotus.com

Windows Ky është një version shumë më i këndshëm i OpenOffice.org. Symphony është konceptuar që t’i paraqesë përpunuesit e tekstit, fletët e punës dhe prezantimet në një dritare të vetme (por i mungojnë vizatimet dhe moduli i bazës së të dhënave).

KompoZer www.kompozer.net

Windows/MacOS/Linux KompoZer është një program për ndërtimin e faqeve ueb i tipit “shif e shkruaj”, nëse mund të thuhet kështu. Pra, përplot me formate të gatshme dhe i ngjashëm me DreamWeaver-n. KompoZer përfshin edhe një menaxher uebsajti FTP për ngarkimin e skedarëve.

NeoOffice www.neooffice.com

MacOS Ky version i OpenOffice.org gëzon të gjitha avantazhet e saj (përfshi faktin që është falas), por vjen me një ndërfaqe të projektuar posaçërisht për MacOS-n.

Notepad++ notepad-plus.sourceforge.net

Windows Notepad++ është në gjendje ta manovrojë tekstin (e sidomos skriptet) në një mënyrë të tillë që NotePad-i i Windows-it e sheh vetëm në ëndërr, me zbukurime të ndryshme si tabet apo kodimi i ngjyrave.

Scribus www.scribus.net

Windows/MacOS/Linux Ky program për paraqitjen e faqeve gëzon veçori të krahasueshme me ato të emrave të mëdhenj si PageMaker. Për më tepër suporton skedarët PDF dhe SVG (grafikë vektoriale e shkallëzuar).

Windows Live Mail get.live.com

Windows Live Mail jo vetëm që lexon Hotmail-in tuaj, por është në gjendje që të kontrollojë edhe llogaritë e tjera të postës elektronike në formatet POP, IMAP ose HTTP.

Zoho www.zoho.com

Ueb/Celular Zoho gëzon të gjitha veçoritë që dëshironi, si përpunues teksti, fletë pune, prezantime, bazë të dhënash, madje edhe një wiki3. Zoho ka edhe shumë tipare të tjera, të cilat mendonit se s’do t’ju hynin ndonjëherë në punë. Një pjesë prej tyre mund të përdoren edhe pa qenë të lidhur me Internetin.